[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



بســـــــــ الله ــــــــــم   الرحــــــــــــ الرحيم ــــــمن

 

أهلاً وسهلاً بكم

..العدل أساس الملك..

مركز تحميل الصور

  ملتقى طلاب جامعة دمشق --> كلية الحقوق --> -:- حـق (حــقــوقـيـيـن) يقـيـن -:- --> -:- نقاشات (آراء) حوارات -:-
    بينك وبين حالك... كطالب حقوق
عنوان البريد :  
كلمة المرور :  
                    تسجيل جـديد


صفحة 1 من 3  1 2 3->

.بينك وبين حالك... كطالب حقوق


amerooo

جامعـي مشــارك





مسجل منذ: 22-01-2009
عدد المشاركات: 64
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

بينك وبين حالك... كطالب حقوق

25-04-2009 10:47 PM





شو بيعنيلك  اليأس  والاحباط  لما  تسمع  بكليه الحقوق

شو  بتحكي  بينك  وبين حالك  لما  حدا  يسألك  شو بتدرس  ..ولما يعرف ينبسط مشانك ويحسدك..(  وخصوصا لما يئللك  ..أاااه  محاماه يعني  بتدرس)؟

يا ترا  لو رجع الزمن فيك لورا  ............ لايام  التسجيل  بالمفاضله ... شو كنت اخترت ....رح تختار الحقوق  من جديد  ولا  تحاول  ما توئع  بنفس الحفره( الكليه)؟؟

شو انطباعك  عن حالك .............  كطالب  حقوق سواء  كان  سلبي  او ايجابي؟؟

بتشوف  انك عملت انجاز  لما دخلت الحقوق ............. طب  شو ناوي بعدين  وخصوصا  انو  كتير  من المعطيات  والمحفزات  غير  متاحه للاسف.......؟؟

اخر  سؤال........... 

يا ترا ...............  ندمان انك بالحقوق..............؟؟؟؟


اصدقائي  وصديقاتي  طلاب  كليه الحقوق  .........  بتمنى  تجاوبوني  على هالتساؤلات  يللي  بدون  شك  70 بالميه  من طلاب الكليه  بيحكوها  بينهن وبين  نفسهن

يا ريت نحكي  بهالمواضيع  ونحول  هالشي  لحوار  مع  الحلول  ان  وجدت

بتمنى  المشاركه................ 

زميلكن  amerooo







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


@ SiLVESTER @

عضو ذهبي


- * كُـنْ مـعَ الله .. ولا تُبَـاالـي * -




مسجل منذ: 18-10-2008
عدد المشاركات: 2865
تقييمات العضو: 9
المتابعون: 92

غير موجود
اشــترك بالتحديثات
رسالة مستعجلة

رد مشاركة : بينك وبين حالك... كطالب حقوق

25-04-2009 11:33 PM




صديقي amerooo

بالرغم من تساؤلاتك المهمة بس .... خلص اللي ضرب ضرب واللي فات مات

عموما


اقتباس
شو بيعنيلك  اليأس  والاحباط  لما  تسمع  بكليه الحقوق

فورا بيخطر عبالي المقولة    " قلعة بدون أسوار " 


اقتباس
شو  بتحكي  بينك  وبين حالك  لما  حدا  يسألك  شو بتدرس  ..ولما يعرف ينبسط مشانك ويحسدك..(  وخصوصا لما يئللك  ..أاااه  محاماه يعني  بتدرس)؟


بالأول عادي .... بس اذا كتير انبهر باني حقوق ...ممكن استغرب شوي


اقتباس
يا ترا  لو رجع الزمن فيك لورا  ............ لايام  التسجيل  بالمفاضله ... شو كنت اخترت ....رح تختار الحقوق  من جديد  ولا  تحاول  ما توئع  بنفس الحفره( الكليه)؟؟


لأ .. أكيد رح ضل عالحقوق اللي بفكر فيها من أيام الاعدادية... لأنو كانت ولا تزال حلم عمري ....
ولو مابدي حقوق ماكنت شديت بالبكالوريا 


اقتباس
شو انطباعك  عن حالك .............  كطالب  حقوق سواء  كان  سلبي  او ايجابي؟؟


بالنسبة لحالي ... للأسف .... سلبي من ناحية تقصير كليتي ....وللحقيقة تقصيري كمان


اقتباس
بتشوف  انك عملت انجاز  لما دخلت الحقوق .............


أكيد انجاز ومهم بحياتي ......


اقتباس
طب  شو ناوي بعدين  وخصوصا  انو  كتير  من المعطيات  والمحفزات  غير  متاحه للاسف.......؟؟


برأي هادا أهم سؤال ...ولازم يكون حديثنا فيه طويــل ....لازم نحكي شوي بمستقبلنا
وأنا كنت ناوي عالمحاماة ...بس هلأ الميول صارت غير ....



اقتباس
اخر  سؤال........... 

يا ترا ...............  ندمان انك بالحقوق..............؟؟؟؟


أكيد لأ  مو ندمان ..... لأني دخلت هالكلية عن رغبة وحب
بس فيك تقول لهلأ وبعد 3 سنين فيها ... في كم شغلة بعدني مصدوم مدري مدهوش منن

عفكرة أسئلتك زادتني كئابة و ضيق من هالكلية .....يعني فتأتلي جروحاتي  

بس هادا الموجود  بهالكلية  اللي حبو يضل ....هههههه  


(( كلية الصامدين ))






                                         


أنت غير مسجل لدينا.. يمكنك التسجيل الآن.

مشاركة : 3


عاشقة روح القانون

جامعـي مبـدعـ





مسجل منذ: 14-10-2008
عدد المشاركات: 458
تقييمات العضو: 0
المتابعون: 6

غير موجود
اشــترك بالتحديثات
رسالة مستعجلة

بينك وبين حالك... كطالب حقوق

26-04-2009 02:07 AM




بالنسبة الي بتتراوح ردود الفعل بين المو والنعارض انه فرع ذكوري 
بس لما حدا بيقلي بتدرسي محاماة بحسوا متخلف لانه ضروري اللي دخل حقوق يصير محامي
اكيد بسجل حقوق لانه غير شهادات بيقدر الواحد يحصل ئقافته فيها من الكتبمتل كليات التربية مع احترامي الهن طبها 
الحمد لله تمام انطباعي تفاءلوا بالخير تجدوه
ناوية انشا الله عالدراسات ومتل ما رب العالمين بيريد
لا مالي ندمانة عالحوق  فرعنا كتير حلو وبيفيد بالحياة العملية بس انشا الله يطبق





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


semoo

جامعـي مشــارك




مسجل منذ: 09-07-2008
عدد المشاركات: 98
تقييمات العضو: 0
المتابعون: 4

غير موجود
اشــترك بالتحديثات
رسالة مستعجلة

رد مشاركة : بينك وبين حالك... كطالب حقوق

26-04-2009 02:39 AM




باختصار ندمان على كل لحظة بعمري لأن كان مصيرها الحقوق ..

الشي الوحيد يللي بيحسسني باليأس والأكتئاب هو فوتي على الكلية او مجرد ذكر اسمها قدامي

ويللي بيحبطني أكتر لما حدا بيعرف اني بدرس حقوق وبيستبشر فيني الخير .. لأنه مو عرفان مصيبتي ومفكرني عايش بنعيم

وبصراحة من كتر يأسي (بالرغم من اني شخص معجون بالأمل والتفاؤل) عند الحقوق بينقتل كل أمل وتفاؤل عندي .. لدرجة اني مابتصور حالي وبحياتي متخرج من الكلية

الله يسامح أهلي بس ..




                   


        يسلم ترابك يا شــــــام   


أنت غير مسجل لدينا.. يمكنك التسجيل الآن.

مشاركة : 5


m philosopher

عضــو فضـي




مسجل منذ: 24-10-2008
عدد المشاركات: 1505
تقييمات العضو: 25
المتابعون: 24

غير موجود
اشــترك بالتحديثات
رسالة مستعجلة

رد مشاركة : بينك وبين حالك... كطالب حقوق

26-04-2009 11:00 AM





أنا بصراحة ما دخلت الكلية عن رغبة

بس كمان ما كان في عندي خيار تاني صحي كان مجموعي منيح بس شو بدي فوت مثلاً جغرافية أو تاريخ مع إحترامي طبعاً


بتمنى أنو يكون المحامي عنا بيقدر يوفر دخل معقول علماً أنو بامريكا قد يصل دخل المحامي إلى 10 ألف دولار شهرياً ببساطة

سلام





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


hanan hamzah

جامعـي جديــد





مسجل منذ: 23-02-2009
عدد المشاركات: 15
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : بينك وبين حالك... كطالب حقوق

26-04-2009 12:32 PM




مرحبا  للكل
أما أنا عن رأيي بكلية الحقوق  فهو  عن جد و بصراحة ماتوقعت أبدا انو تكون  كلية الحقوق قبل مااسجل فيها  ويكون مصيري  فيها  بهذا  الكم من االيأس والمعاناة  والهم  والتعب
يعني أنا باختصار تغربت عن اهلي وتعبت مشان بالاخير انصدم بشي ماكنت متوقعتو بهالكلية على الرغم من  أنو الجمييع من حولي حذرني من الدخول بهذا الاختصاص كونه بنظرهم  اختصاص معقد  وصعب  وكانت وجهة نظرهم صحيحة يعني  فعلا كلية مرهقة ومتعبة وظالمة

بس بدك رأيي كمان  ومع كلللللل المآسي الي صارت معي  بكلية الحقوق انا هلأ مو ندمانة ابداااا اني دخلتها وقريبا رح اتخرج ان شاء الله واشتغل بمجالي الي حلمت فيه  يعني الواحد بييأس أول الأمر بس بعدين بحس أنو  لازم  يكون دايما الشي الي حبو  وحلم فيه والا  بيكون خسر كل شي

مو مضطريين نخسر كل شي  صح؟
 
وعذرا عالإطالة





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


sas

جامعـي مبـدعـ





مسجل منذ: 25-04-2008
عدد المشاركات: 361
تقييمات العضو: 0
المتابعون: 5

غير موجود
اشــترك بالتحديثات
رسالة مستعجلة

رد مشاركة : بينك وبين حالك... كطالب حقوق

26-04-2009 12:52 PM





اقتباس
شو بيعنيلك اليأس والاحباط لما تسمع بكليه الحقوق

بالعكس بتعطيني شجاعة وحافز لأتحدى قدرتي (ويا أنا ياهنن)

اقتباس
شو بتحكي بينك وبين حالك لما حدا يسألك شو بتدرس ..ولما يعرف ينبسط مشانك ويحسدك..( وخصوصا لما يئللك ..أاااه محاماه يعني بتدرس)؟

الناس وقت بخبرها بدراستي بتنصعق وبتلمع العيون خوف ودهشة(ابصر شو عاملين)

اقتباس

يا ترا لو رجع الزمن فيك لورا ............ لايام التسجيل بالمفاضله ... شو كنت اخترت ....رح تختار الحقوق من جديد ولا تحاول ما توئع بنفس الحفره( الكليه)؟؟[/

برجع بختارها بس كمان برجع بخططلها بطريقة مختلفة (الواقع غير احلام البكلوريا)

اقتباس
شو انطباعك عن حالك ............. كطالب حقوق سواء كان سلبي او ايجابي؟؟

سلبي لان بتمنى اتعمق بأختصاص كليتي اكتر . وايجابي تعلمت حقوقي وحقوق الناس علي ,وهو فرع بيجمع بين دين ودنيا


اقتباس
بتشوف انك عملت انجاز لما دخلت الحقوق ............. طب شو ناوي بعدين وخصوصا انو كتير من المعطيات والمحفزات غير متاحه للاسف.......؟؟

انجاز اي الحمد الله بس لساتني بأول الطريق ,محاماة بس اذا سمحت الظروف بكمل دراسات بأذن الله


اقتباس
يا ترا ............... ندمان انك بالحقوق..............؟؟؟؟

لا لان مافي شي بيجي بالسهل

وبرجع بعبي هي الاستمارة بالسنة التالتة ان شاء الله بركي تغيرت النظرة  



أنت غير مسجل لدينا.. يمكنك التسجيل الآن.

مشاركة : 8


أبو فاطمة

جامعـي مبـدعـ





مسجل منذ: 23-12-2008
عدد المشاركات: 476
تقييمات العضو: 0
المتابعون: 17

غير موجود
اشــترك بالتحديثات
رسالة مستعجلة

رد مشاركة : بينك وبين حالك... كطالب حقوق

26-04-2009 03:27 PM




الله يعينك اخوي و الله صعبة الواحد يدخل فرع ما حابو
بس بالنسبة الي انا دخلت الحقوق عن قناعة و اختيار تام يعني كنت بالمفاضلة بطلعي الف فرع جامعة غيرو و كل يوم بتزداد ثقتي فيه و بزداد حبي اله و برأي الحقوق من اروع فروع جامعة دمشق صدقا هادا  شعوري و هذا رأي فتقبلوه

ابو فاطمة







فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَار

أنت غير مسجل لدينا.. يمكنك التسجيل الآن.

مشاركة : 9


a.dahook

عضــو فضـي

لا إله إلا أنت سبحانك إني كنت من الظالمين




مسجل منذ: 14-03-2008
عدد المشاركات: 1278
تقييمات العضو: 0
المتابعون: 12

غير موجود
اشــترك بالتحديثات
رسالة مستعجلة

رد مشاركة : بينك وبين حالك... كطالب حقوق

26-04-2009 09:44 PM




شو بيعنيلك  اليأس  والاحباط  لما  تسمع  بكليه الحقوق
نقطة من بحر لم أزره يوماً , إنما أسمع به كثيراً
شو  بتحكي  بينك  وبين حالك  لما  حدا  يسألك  شو بتدرس  ..ولما يعرف ينبسط مشانك ويحسدك..(  وخصوصا لما يئللك  ..أاااه  محاماه يعني  بتدرس)؟
بتمنى أن كون عند حسن الظن
يا ترا  لو رجع الزمن فيك لورا  ............ لايام  التسجيل  بالمفاضله ... شو كنت اخترت ....رح تختار الحقوق  من جديد  ولا  تحاول  ما توئع  بنفس الحفره( الكليه)؟؟
بصراحة تامة لما سجلت أنا ما كان في مفاضلة و التسجيل مفتوح و إخترت الحقوق
شو انطباعك  عن حالك .............  كطالب  حقوق سواء  كان  سلبي  او ايجابي؟؟
إيجابي أكيد
بتشوف  انك عملت انجاز  لما دخلت الحقوق ............. طب  شو ناوي بعدين  وخصوصا  انو  كتير  من المعطيات  والمحفزات  غير  متاحه للاسف.......؟؟
أكيد بدي صير محامي
اخر  سؤال........... 
يا ترا ...............  ندمان انك بالحقوق..............؟؟؟؟
لأ مستحيل ما في سبب للندم أبداً




لا إله إلا الله عدد ما كان
            لا إله إلا الله عدد ما يكون
                      لا إله إلا الله عدد الحبات و السكون


'اللهم إني أسالك إيمانا دائما وأسألك قلبا خاشعا وأسألك علما نافعا
وأسألك يقينا صادقا وأسألك دينا قيما وأسألك العافية من كل بلية'

سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ

أنت غير مسجل لدينا.. يمكنك التسجيل الآن.

مشاركة : 10


Prince

جامعـي مشــارك





مسجل منذ: 14-01-2009
عدد المشاركات: 69
تقييمات العضو: 0
المتابعون: 2

غير موجود
اشــترك بالتحديثات
رسالة مستعجلة

رد مشاركة : بينك وبين حالك... كطالب حقوق

27-04-2009 08:39 AM




مساء الخير
بالبداية بتشكر زميلنا يلي طرح الأسئلة وبتشكر كمان الزملاء يلي شاركو بالردود
يلي كانت بالتأكيد شخصية وبتختلف باختلاف وجهات النظر......................................
أما بالنسبة لإجاباتي رح تكون مختصرة وشاملة لكل الأسئلة"يعني ما رح أتقيد بالسؤال والجواب"
كلية الحقوق كانت بالنسبة لي حلم العمر ومازالت
واختياري لهذه الكلية هوأكثر قراراتي صواباً
ولا أتخيل أن أشعر بالندم يوماًما لهذا الإختيار
مهما واجهت من مصاعب في هذه الكلية
ولو عاد بي الزمان يوماًإلى الوراء لأخترت الحقوق
مرة ثانية وثالثة ورابعة ...............................................
وحتى الألف..................................................................
وأتمنى من الله أن يوفقني لأصل إلى حلمي الأكبر
الذي أسعى نحوه بجدوعزيمة من خلال هذه الكلية العظيمة...............


وأتمنى لجميع الزملاء والزميلات مستقبلاً ناجحاً ينسيهم ما عانوه من هموم ومصاعب "إن" كانوا قد تعرضوا لها في كلية الحقوق................................



                                                                                    والسلام ختام





ملتقى طلاب جامعة دمشق




أنت غير مسجل لدينا.. يمكنك التسجيل الآن.
صفحة 1 من 3  1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة